我心目中尚蓋敬愛ㄟ阿母，汝離開到這當今，足足也經過了將
近有五冬囉，勿哉老大郎....汝過了有好謀？汝這个嘸緣ㄟ查某
囡，並嘸因為汝ㄟ離開，我就將阿母汝來放乎袂記置，我猶原
碇碇著會來想起汝。勿哉阿母....汝甘有親像我這一般ㄟ想汝，
安捏來想起我咧？
明哪在就是一年一擺ㄟ母親節，我親愛ㄟ阿母，查某囡有這掛
心內話想欲對汝講。請老大郎汝著愛有耐心，慢慢ㄚ聽我來講
起。哪想起咱過去ㄟ種種，我著目屎滴，為啥眯咱母ㄚ囡ㄟ緣
份，哪ㄟ這尼ㄚ薄咧？我ㄟ兄弟手足，每一个攏會凍留置阿母
汝ㄟ身軀邊，享受著尚溫暖、尚偉大ㄟ母愛。為怎樣汝會堅持
甲我送乎別郎咧？平平攏是囝，為怎樣哪會差遮濟？我實在是..
仙想都想袂曉！
自細漢我就來離開阿母汝ㄟ身軀邊，去住踮別郎兜。這款嘸老
母置身軀邊ㄟ日子，我是過甲外尼ㄚ艱苦，阿母...汝甘會凍體
會？一个三、四歲著嘸老母痛惜ㄟ查某囡ㄚ，伊ㄟ處境有外艱
難，伊ㄟ心情是外尼ㄚ悲傷、可憐....這款心情........我ㄟ阿母，
汝甘有了解咧？
有當時，我雖然嘛是ㄟ真怨嘆，但是卡濟ㄟ時拵，查某囡實在
是足思念汝耶！我親愛ㄟ阿母，踮在佛祖身軀邊ㄟ汝....心肝頭
甘有得著汝欲愛ㄟ平靜？所有ㄟ身苦病痛是勿是有攏好企咧？
我時常置ㄟ睏夢中，睏甲半暝雄雄醒起來，汝ㄟ形影猶原是清
清楚楚在我ㄟ頭殼內旋ㄚ旋。
哪想起老大郎嘟過身彼時拵，我歸ㄟ郎，哪親像一个有體嘸魂
ㄟ稻草人，歸工攏是旋神旋神嘸心情。勉勉強強拖著疲勞ㄟ身
軀，將喪事所有ㄟ一切攏辦乎妥當。二兄、小妹、甲我三个人
坐落來，好好ㄚ呷一頓飯，大家趁遮ㄟ機會順刷開講。回想阿
母過去ㄟ種種，我忍袂牢放聲嚎，這時拵...我遮哉影.....親愛ㄟ
阿母，汝置我ㄟ心目中，有外尼ㄚ重要。
我親愛ㄟ阿母，汝甘哉影？汝過身了後，有將近半年ㄟ時間，
會使講，我攏是靠寫一卦眯件來平靜家己ㄟ心情。將我對汝ㄟ
思念，化為一張一張ㄟ批信，寄乎踮在天頂ㄟ阿母汝。我親愛
ㄟ阿母，汝甘有收著？嘛透過寫一掛有ㄟ嘸ㄟ，將所有ㄟ遺憾
甲不平，攏總寄託在批紙內底，寫了～擱嚎，嚎了又擱寫，置
ㄟ這个過程當中...我徹底放下囉！
親愛ㄟ阿母，我終於嘛是明白囉！當年...汝有汝ㄟ困難，如今
我嘛有我ㄟ人生著愛過。哪真正是有後一世人，阿母....咱才擱
來繼續，汝咱ㄟ緣份。不管是做母ㄚ囡，或者是做朋友，攏總
好！踮在極樂世界ㄟ阿母，盎望汝，置ㄟ佛菩薩溫暖ㄟ懷抱中
，會凍平靜嘸怨、嘸憂嘸愁過著好日子！娥ㄚ深深ㄟ祝福我尚
蓋敬愛ㄟ阿母，心情清爽身體永遠攏健康喔！
全站熱搜
留言列表
